Kinderkarte

Unsere Kinderkarte

Eusi Chindercharte-Charaktere lehnet sich e chli am Dorf a und so hend alli au e bsondrige Platz i eusem Chindermenu gfunde.

Quakki: Euses huuseigene Maskottli isch nid nur e Teichbewohner wo direkt vor eusem Restaraunt sini Residenz het, sondern erinneret au e chli ans Wandbild vom Schuelhuus mit de Frösch und de Chrött. De Quakki isch immer e fröhliche und hilft au gern wo er cha.

Sonny: E strahlendi Sunne isch uf em Wappe vo Wohleschwil und so het sich au e strahlends sünneli uf eusi Chindercharte verirrt als Repräsentant vo eusem Dorf. De Sonny het immer e gueti Idee uf lager, wenn alli andere mol nüm wüssed was mache sölled.

Blubb: De blubb isch e guete Fründ vom Quakki und wohnt dusse im Teich vo de Mühli. Er het mengisch ned so gueti Luune aber wenn er mit em Quakki was unternäh chan, de freut er sich immer.

Pieps: D‘ Pieps isch immer e chli unterwegs. Mengisch taucht sie au tagelang nüme uf aber, sie chont immer wieder zrugg an Teich vo de Mühli um mit em Blubb und em Quakki Abentür z’erlebe.